Hestar í hættu
Að sögn Halldórs voru dýrin í góðu ástandi, en ítrekaði að mikilvægt væri að dýrum yrði komið inn í hús eða flutt burt af svæðinu. Verið er að undirbúa flutning hross frá svæðum þar sem búast með við öskufalli næstu daga. og flytja hross í burtu. Hýsa þarf öll hross þar sem mikið öskufall er. Björgunarsveitir hafa í dag aðstoðað bændur við að hýsa útigangshross og flytja þau í öruggt skjólMatvælastofnun sendir áríðandi viðvörun til bænda á öllu suður- og suðausturlandi í morgun um að þeir þurfi að vera í viðbragðsstöðu enda sé of seint að bregðast við eftir að umtalsvert öskufall er skollið á. Fram kemur í tilkynningunni að hrossum sé bráð hætta búin af því að anda að sér öskunni, drekka mengað vatn og éta hana í sig með menguðu fóðri. Sé ekki hægt að hýsa hrossin þurfi að flytja þau á öruggari svæði.Forðast skal þó að flytja fylfullar hryssur, einkum ef innan við mánuður er í að þær kasti. Sé ekki hægt að hýsa þær, skal halda þeim heima við hús, gefa þeim hreint vatn og verja fóður fyrir mengun. Verði flúormengunin langvarandi verðu þeim sérstaklega hætt við lífhættulegum kalkskorti í blóði. Einnig er mikilvægt að verja tryppi, því þeim er hættast við varanlegum tann- og beinskemmdum.
Lónið er horfið. Þetta er bara einn árfarvegur niður, segir Gunnar Sigurðsson vatnamælingamaður sem var upp við Gígjökul þegar flóð kom niður jökulinn í dag. Hann segir umhverfið við jökulinn mikið breytt og sér ekki alveg fyrir sér hvernig hægt verður að komast í Þórsmörk á næstunni.
Starfsmenn frá Veðurstofu ætla að freista þess að setja vatnshæðarmæli í lónið við Gígjökul. Þar var mælir en hann fór þegar hlaup kom í lónið á miðvikudaginn.
Fjórir skjálftar hafa mælst frá því rétt fyrir klukkan 9 í morgun. Þeir eru 1 til 1,5 á stærð. Þá hafði skjálfti ekki mælst síðan rétt fyrir kl. 19 í gærkvöldi, samkvæmt upplýsingum frá Veðurstofu Íslands. Nú er ákveðin vestanátt yfir Eyjafjallajökli. Öskufall gæti því orðið frá eldstöð og austur á Höfn í Hornafirði.