Fréttir

Haraldur Ólafsson, prófessor í veðurfræði, hefur umsjón með þessu verkefni en flugvélin sem er frá þýsku loftrannsóknarmiðstöðinni kom til landsins í gær. Aska var mæld á leiðinni hingað, frá Færeyjum upp að Suðausturlandi og magn hennar á þeirri leið var einnig undir viðmiðunarmörkum, segir Haraldur. Næsta flug vélarinnar verður á morgun og fer hún suður og austur fyrir landið. Gert er ráð fyrir að rannsóknarvélin verði hér fram á sunnudag.

Þetta er hluti samkomulags sem náðst hefur í Iðnaðarnefnd Alþingis um málið, að sögn Skúla Helgasonar, formanns nefndarinnar. Nefndin hefur afgreitt málið frá sér og í því felst að gildistími fjárfestingarsamningsins verður styttur um helming úr 20 árum í 10.Fyrr á þessu ári var tilkynnt að breski fjárfestingasjóðurinn Wellcome Trust hefði ákveðið að leggja fram nýtt hlutafé í Verne Holdings og verða þar með stærsti hluthafinn í félaginu. Hlutur eldri hluthafa, General Catalyst og Novator, minnkaði við þessa breytingu.Gert er ráð fyrir að í kringum 100 manns fái vinnu við gagnaverið og að kostnaður við fjárfestinguna nemi um 90 milljörðum króna.Rætt verður við Skúla Helgason, formann Iðanaðarnefndar í Síðdegisútvarpinu á Rás 2.

Hún hélt erindi um aðstæður barna og ungra fjölskyldna á prestastefnu í morgun. Hún segir flest börn á Íslandi hafa það gott þrátt fyrir efnahagsþrengingarnar. Leik- og grunnskólakerfið sé gott og það hafi mikið að segja. Kreppan komi þó mishart niður á fjölskyldum og landssvæðum. Á Suðurnesjum séu flest þeirra barna sem eigi báða foreldra atvinnulausa. Huga þurfi sérstaklega að stuðningi við þau landsvæði sem hafi orðið verst úti. Unnið sé að mörgum þáttum til að bæta ástandið hvað þetta varðar.  Til að mynda eigi að setja á neysluviðmið.

Þetta eru Keflavíkurflugvöllur, Reykjavíkurflugvöllur, Akureyrar- og Egilsstaðarflugvöllur. Flugstoðir þurfa að meta hvort lofthelginni verði lokað, miðað við nýjustu öskuspá sem á að birta núna upp úr sex. Til stóð að þrjár farþegavélar Icelandair kæmu frá Glasgow í kvöld. Nú er óljóst hvar þær lenda ef þær koma á annað borð. Millilandaflug hefur farið um Akureyrarflugvöll í dag, eftir að flugvöllunum í Keflavík og Reykjavík var lokað. Flugi Iceland Express frá Kaupmannahöfn og Lundúnum var aflýst í dag, en vonast er til að vélarnar komist til landsins á morgun. Gert er ráð fyrir, miðað við öskuspá sem var birt síðdegis að hægt verði að nota Keflavíkurflugvöll í fyrramálið. Flugfélagið Ernir aflýsti áætlunarflugi á Höfn í Hornafirði, Sauðárkrók og Bíldudag í dag. Félagið ætlar að skoða í kvöld hvernig flugi verður háttað á morgun. Jarðfræðingar flugu yfir gosstöðina í Eyjafjallajökli eftir hádegi. Magnús Tumi Guðmundsson segir að gosmökkurinn hafi þá náð í þriggja til þriggja og hálfs kílómetra hæð upp úr nyrsta gígnum sem enn sé virkur. Hraun teygi sig um kílómetra norður af honum og hefur brætt ofan af sér ísþekjuna. Næst gígnum er breidd ísrásarinnar 200-300 metrar. Ösku leggi niður á Markarfljótsaura og mikil aska sé á heiðinni sunnan jökulsins. Bannsvæðið umhverfis eldstöðina í Eyjafjallajökli hefur verið minnkað og er leiðin að Sólheimajökli opin. Einnig er opið upp á Mýrdalsjökul. Vegfarendur eru beðnir um að fara með gát um þjóðveg eitt vegna bráðabirgðaviðgerða á veginum.Vegurinn upp Fimmvörðuháls er lokaður og bannsvæði umhverfis gosstöðvarnar á Fimmvörðuhálsi, auk þess sem vestasti hluti Mýrdalsjökuls er lokaður. Lokað er inn í Þórsmörk en vegurinn þangað er horfinn á sex kílómetra kafla.